27 тамызда А. Байтұрсынұлы атындағы Қостанай өңірлік университетінің базасында Қазақстан Республикасы Конституциясы күнін мерекелеу аясында Қазақстан халқы Ассамблеясының ұйымдастыруымен іс-шара өтті. Ол Конституциялық Сот, облыстық және қалалық сот, прокуратура, этномәдени бірлестік, сондай-ақ сарапшылар мен қоғам өкілдерін біріктірді. Диалог алаңына қатысушылар қатарында "Қостанай қаласының ✓1 емханасы" КМК балалар психологы, аналар кеңесінің мүшесі Виктория Хакимова болды. Мұндай диалог алаңдары құқықтық мәдениетті нығайтуға, азаматтық диалог пен этносаралық өзара түсіністікті дамытуға ықпал етеді.